Ukraina Tışqı işleri nazirligi Rusiye prezidenti Vladimir Putin işğal etilgen Aqyarnı ziyaret etkeni sebebinden Rusiye tış siyaset şubesine narazılıq mektübi yolladı. Bu aqta ukrain nazirliginiñ resmiy saifesinde söz yürsetilmekte.
«Ukrain tarafı vaqtınca işğal etilgen Qırım Muhtar Cumhuriyeti ve Aqyar şeeriniñ mezkür ve diger rusiyeli memurlar tarafından «ziyaret» denilgen teşrifi, Rusiye tarafından Ukrainanıñ mustaqilligi ve territorial bütünligini bozması, yalan ve kösterişli bir şekilde halqara aq-uquq normalarına uymamasınıñ bir timsalidir», – denilmekte ukrain nazirliginiñ haberinde.
Rusiye prezidenti Vladimir Purtin ve baş naziri Dmitriy Medvedev avgustnıñ 18-nde işğal altındaki Qırımğa keldi. Haber etilgenine köre, Rusiye prezidenti Aqyardaki umumtasil mektebini ziyaret etken ve bike-club lideri Aleksandr
«Hirurg» Zaldostanovnen «35-nci sail brigadası» eykeli yanındaşeer madafaacılarını añğan.
O, «Hersones Tavriçeskiy» qoruq-muzeyinde «Antika devrindeki Hersones tarihı» ekspozitsiyasıtanışmağa planlaştıra.
İstilâ etilgen Qırımnı Ukraina akimiyetinen uyğunlaştırmadan ğayrı resmiy bir şekilde Vladimir Putin soñki sefer 2017 senesi iyün ayında ziyaret etken edi.
Ukraina Yuqarı Radası Rusiye tarafından Qırım ve Aqyarnıñvaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
