Aqmescitniñ Verhnâya Ukrainka qasabasında avgustnıñ 17-de 20-ge yaqın soqaq tamir işleri keçirilgeninden suvsız qalacaq. Bu aqta Kreml nezareti altındaki Aqmescit memuriyetiniñ saytında haber etile.
«Saat 9-dan 17-ge qadar aşağıdaki soqaqlarğa suv berilmeycek: Azovskaya, Tülpannaya, Letçikov, Lokomotivnaya, Provodnikov soqaqları, Provodnikov caddesi, Turistov caddesi, Turistov, Alpinistov, Harkovskaya, Planeristov, Şirokaya, Lesâ Ukrainka, Zapadnaya, Usadebnaya, Şahterov, Stroiteley soqaqları, Stroiteley caddesi», – dep aytıla haberde.
Ukraina Qırımnıñ suv ihtiyaclarınıñ 85%-nı Şimal-Qırım kanalı üzerinden qarşılağan edi. 2014 senesi Rusiye Qırımnı işğal etken soñ memleketniñ ana qısmından yarımadağa suv berilmey.
