Link açıqlığı

Saatnıñ esas haberi

Qırımnıñ Rusiye akimiyeti esli-başlı qırımtatar faallerinden qorqa – Bariyev


Eskender Bariyev
Eskender Bariyev

Qırımtatar Milliy Meclisiniñ azası Eskender Bariyevniñ fikirince, yarımadanıñ Rusiye akimiyeti esli-başlı qırımtatar faallerinden qorqıp, bir qaç kişini yalıñız başına narazılıq bildirgeni içün tuttı. Böyle bir fikirni Bariyev Qırım.Aqiqat Radiosı efirinde ayttı.

«İşğalciler bu esli-başlı insanlardan qorqa, çünki olarnıñ milliy areket ve zorbalıqsız küreş tecribeleri bar. Böyle faaller qorquzılamaz, bu sebepten rusiyeliler, qırımlılar bir de bir narazılıq ya da razı olmağanlarnı körmesin dep, olarnı yoq etecek ola. Qırımtatar aqsaqallarınıñ arqasında on ve yüz biñlernen insan bar – bunı iç bir para ya da apis cezası yoq etemez», – dep ayttı Meclis azası.

Avgustnıñ 14-de Aqmescitniñ Kreml kontrol etken Yuqarı mahkeme, Qırımnıñ parlament ve ükümet binaları yanında apiske alınğan esli-başlı qırımtatar faali Server Karametovğa qoltutmaq içün bir kişilik piketler olıp keçti. Rusiye uquq qoruyıcıları miting iştirakçilerini tutmağa başladı. Çoqusı yiberildi.

Avgustnıñ 9-da Kremlniñ nezareti altındaki Aqmescitniñ Jeleznodorjnıy mahkemesi «politsiya hadimlerine qarşılıq köstergeni» içün Server Karametovke 10 künlük memuriy ceza tayin etken edi.

Daa evel mahkeme onı Rusiye Memuriy cinayetler Kodeksiniñ 20.2 maddesine binaen qabaatlı dep tanıyaraq, oña 10 biñ ruble (tahminen 4200 grivna) miqdarında para cezası tayinlegen edi.

Avgustnıñ 8-nde Aqmescitte Ahtem Çiygozğa destek bildirmek maqsadınen keçirilgen yalıñız başına bir piket devamında tutılğan esli-başlı qırımtatar faali Server Karametovğa qarşı eki memuriy protokol tizilgen edi. Biri – «yalıñız başına piket keçirüv qaideleri bozğanı», ekincisi – «politsiya hadimlerine qarşılıq köstergeni» içün edi. 76 yaşında Karametov Parkinson hastasıdır.


XS
SM
MD
LG