Link açıqlığı

Qırımdan Rusiyege üç dane qırıcı uçaq yollanıldı


«Armiya-2017» forumında iştirak etmek içün qomşu Rusiyeniñ Kubinda aerodromına Rusiye Qaradeñiz flotınıñ üç dane Su-30SM qırıcı uçağı yollanıldı. Bu aqta avgustnıñ 15-nde Rusiye Mudafaa nazirliginiñ matbuat hızmeti bildirmekte.

Haber etilegenine köre, Su-30SM Rusiye Qaradeñiz flotı deñiz aviatsiya ayrı bahriye ücüm ava alayına aittir. Kubinka avєabazası Moskva civarında yerleşmekte.

«İştirakçiler ve forum musafirleri içün Su-30SM yañı silâ numuneleri, arbiy ve hususiy tehnika (SAHT) ayrıca gruppa ve hususiy pilotaj statistik kösterişinde qullanılması planlaştırılmaqta», – denilmekte haberde.

İyünniñ 6-nda Qırımda cengâver azırlıq teşkerilmesi içün Su-27 qırıcı uçaq çifti telüke işareti boyunca avağa kбterilgeni aqqında belli oldu.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG