Link açıqlığı

Advokat: Rusiyeniñ yañı qanunı qırımlılarnı ukrain banklarında olğan borclarından boşatmaz


Ukrain advokatı, Maliye hızmetleri qullanıcılarınıñ aq-uquqlarını qoruv meseleleri şurasınıñ yolbaşçısı Dmitriy Duginovnıñ fikirince, Rusiyeniñ yañı qanunğa köre işğal etilgen Qırım sakininiñ borcları qapatılsa bile, esas Ukrainada onı mahkeme bekley. Bunı o, Qırım.Aqiqat Radiosınıñ efirinde ayttı.

«Qırımlı esas Ukrainadan Qırımda borcunı qapatsa, ukrain bankları ögündeki borcları deñişmez. Onı ukrain mahkemesinde taqip etip, mal-mülkini tutıp almaq mümkün. Uquqçılar dava müddetini 3 yıldan ziyade yapa bile. Ekinci taraftan, bank talaplarını yarım yıl evelsi bildirgen olsa, daa 2,5 yıl devamında mal-mülk alına bile», – dep qayd etti ekspert.

2017 senesi iyülniñ 31-de Rusiye prezidenti Vladimir Putin ukrain bankları ögünde Qırım borclarınıñ qapatılmasına dair qanunnı imzaladı. Vesiqa Qırımnıñ yatırımcılarnı qoruv fondu qanunına deñişmeler kirsetip, 5 million rubleden ziyade kreditlerge aittir.

XS
SM
MD
LG