Qırımnıñ Qarasuvbazar şeeri ve Qarasuvbazar rayonında avgustnıñ 14-de iri burçaq yağdı. İçtimaiy ağlarda paylaşılğan fotoresim ve videolarda körüne ki, burçaq masa tennisiniñ topu ölçüsinde oldı.
Avgustnıñ 14-15-de işğal etilgen Qırımda furtuna havfı ilân etildi. Qırımnıñ Rusiye Fevqulâde vaziyetler nazirliginiñ idaresi yağanaq, burçaq yağacaq, ruzgâr esecek, dep tenbiyeledi.
Qurtarıcılar Qırım sakinleri ve musafirlerini yaramay avada havfsızlıq qaidelerine riayet etmege çağıra. Yağanaq ve küçlü yel vaqtında pencelerni qapatmağa, balkonlardan bağlanmağan eşyalarnı almağa, tışarıda ise reklama levhaları, yol işaretleri, elektrik ağlar, büyük tereklerden uzaq turmağa tevsiye etile. İdare imkân olğanı qadar şeer kezintilerinden vazgeçip, ev ya da işte qalmağa tevsiye ete.
