Link açıqlığı

Avgustnıñ 13-nde Kyivniñ Mustaqillik meydanında prezidentniñ ayrı alayı İçkeriya milliy bayrağını açtı. Tedbir teşebbüsçisi aytqanına köre, 22ge 33 metr büyükligindeki işbu bayraq dünyada eñ büyük soyu dep esaplana.

Teşkilâtçılar qayd etkenine binaen, bu tedbir «bizim duşmanlarımız bütün areketlerine baqmadan bizim ğalebege olğan irade ve ruhumıznı sındırıp olamağanlarınıñ timsalidir».

Tedbirde Cohar Dudayev adını taşığan taburnen gürci taburı iştitrak etti. Ayrıca qırımtatar halqınıñ temsilcileri de iştirak ettiler. «Men bütün qırımtatar halqı ve ukrainler adından Rusiye ordusına qarşı cenkleşken çeçenlerni hayırlamağa isteyim. Biz beraberlikte yeñermiz», - dedi qırımtatar Meclisiniñ reisi Refat Çubarov.

Tedbirge ayrıca Cohar Dudayev taburınıñ sabıq cenkçisi Amina Okuyeva da teşrif buyurdı. O, İçkeriyanıñ mustaqillik oğrundaki küreşine Ukraina qoltutqanı içün teşekkür bildirdi.

İçkeriya Çeçen Cumhuriyeti – SSCB dağilğan soñ Çeçen-İnguş MSSC topraqlarında teşkil etilip de tanılmağan bir devlet qurulışıdır. O aslında 2000 senesi Rusiye federal ordusınıñ Ekinci çeçen cenkindeki ğalebe qazanmasından soñ yoq etilgen edi.

Rusiye silâlı ve hususiy hızmetleri cenk esnasında ve Rusiye tışında keçirilgen hususiy operatsiyalar devamında İçkeriya yolbaşçılarınıñ ekseriyetini öldürgen edi. Aynı zamanda Moskva İçkeriyanıñ sabıq liderleri olğan Ahmad Kadırovnen añlaşmalar tizgen edi. 2004 senesi onıñ öldürilmesi neticesinde Çeçenistan başına artıq 13 yıldan berli onu idare etken oğlu Ramzan Kadırov keçken edi.

XS
SM
MD
LG