Kreml nezareti altındaki Qırım devlet qaydı ve kadastr Devlet komiteti avgustnıñ 11-nde Qırım ealisine, satılmasına ihtiyac olmağan taqdirde, Ukraina devrinde berilgen mulkiyet vesiqalarını deñiştirmege acet olmağanı aqqında hatırlattı.
Goskomreyestr reisiniñ muavini Valentina Kirlitsa Aqmescit rayonında vatandaşlarnen yapqan körüşüvinde ukrain mülkiyet vesiqaları «müddetsizdir» dep ayttı.
«Ukraina vaqtında mülkiyet obyektlerine berilgen vesiqalar Rusiye Federatsiyası tarafından tanılmaqtadır. Eger şahısnıñ öz mülkiyetini, meselâ, satmaq, deñiştirmek, ev ya topraq damartısını bağışlamaq kibi niyeti yoq ise, yayğara qorapmaqnıñ manası yoq.Bu aqta bizler defalrca aytqan edik, amma madem ki, buña beñzer sualler bügün de peyda ola, biz eali arasında añlatuv işlerini devam etecekmiz», – dedi Kirlitsa.
Qırımlılar mülkiyet vesiqalrını resmiyleştirgen vaqıtta regional muessiselerde pek çoq nevbet olğanına şikâyet ete.
2017 senesi iyün ayında Kreml nezaretindeki Qırım devlet qaydı ve kadastr Devlet komitetiniñ yolbaşçısı Aleksandr Spiridonov toplaşuvda semereli çalışmağan öz yardımcılarını işten boşatmaqnen qorquzğan edi.
