Link açıqlığı

Saatnıñ esas haberi

Keriç deputatları boğazda qurulacaq köpür içün Rusiyege 42 dane topraq damartısı berdi


Kreml nezareti altındaki Keriç seer şurası deputatları avgustnıñ 9-nda ötkerilgen nevbetten tış sessiyasında qomşu Rusiye muessiselerine Keriç boğazı üzerinde qurulayatqan köpür qurucılığı içün 42 dane topraq damartısı ayırıp berdi.

Şeer şurası sayfesinde derc etilgen sessiya qararında bildirilgenine köre, söz araba ve demiryolları keçken Keriç ve Tuzla adasındaki topraq damartıları aqqında yürsetilmekte.

Keriç deputatları olarnıñ 13 danesini rusiyeli «Uprdor «Taman» idaresine, 28 damartını ise, Rusiyeniñ demiryol transport agentligine mulkiyetke bergen.

Keriç boğazında bir keçiş yapılması kerek olacağı aqqında Rusiye prezidenti Vladimir Putin Qırım istilâsından soñ 2014 senesi mart ayında şu arada aytqan edi. Köpür 2018 senesi qurulıp, 2019 senesi yazda teslim etilecegine söz berilgen edi.

Ukraina tarafı köpür qurucılığınen bağlı Rusiyenen tizgen añlaşmasından 2014 senesi Qırım zapt etilgen soñ çıqmağa mecbur qaldı.

XS
SM
MD
LG