Avgustnıñ 9-nda Halqara Tamır halqlar Künü 9-nda qayd etile.
Bu sebepten Ukraina Haber siyaseti nazirligi umummilliy kommunikatsion kampaniyasını taqdim etti.
Kampaniya çerçivesinde Kyivdeki Amerika evinde «Qırım aqşamı» ötkerilecek. Teçkilâtçılar qırımtatar türkü ve oyunları kontserti, Estoniya insan aqları institutı, Ukraina Haber siyaseti nazirligi, Estoniya Tışqı işleri nazirliginiñ qoltutuvınen Qırımtatar Resurs Merkezitarafından ingliz tilinde azırlanğan qırımtatarlarınıñ etnogenezi, tarihi ve medeniyeti aqqında sergi ötkerilecegi hususında aytılmaqta.
Halqara Tamır halqlar Künü er sene avgustnıñ 9-nda qayd etile. Böyle bir kün BMT Baş Assambleyasınıñ rezolütsiyası ile 1994 senesi tayin etilgen edi.
2014 senesi martnıñ 20-nde Yuqarı Rada qırımtatarlarnı Qırımnıñ tamır halqı dep tanıdı. Bu qararğa 283 deputat qoltutqan edi. Ukraina tamır halq olğan qırımtatarları ve diger milliy azlıqlarnıñ etnik, medeniyet, til ve din hususiyetleriniñ saqlap qalması ve inkişafına kefil olacağını vade etti.
