Link açıqlığı

Saatnıñ esas haberi

Zarar körgenler «Çiygoz davasınıñ» munaqaşalarına kelmedi


Qırımda apiske alınğan qırımtatar liderlerinden biri Ahtem Çiygoznıñ davası boyunca zarar körgenlerden iç birisi avgustnıñ 8-de Kreml kontrol etken Qırım Yuqarı mahkemesiniñ oturışına kelmedi. Bunı Qırım.Aqiqat mühbiri bildire.

Aynı vaqıtta, otuzğa yaqın qırımlı, şu cümleden Çiygoznıñ soy-sopları oña qoltutmağa keldi.

Oturış başlağanda Çiygoznıñ advokatı Nikolay Polozov munaqaşalarğa yahşı azırlanmaq içün üç iş künü az olğanını bildirdi.

Avgustnıñ 7-de Kreml kontrol etken Qırım Yuqarı mahkemesiniñ «Çiygoz davasınıñ» oturışında prokuror Anastasiya Suprâga Ahtem Çiygoz 8 yılğa azatlıqtan marum etilsin istedi.

Ukraina Tışqı işler nazirligi Rusiye akimiyetinden Ahtem Çiygoznıñ taqip etilmesini toqtatmasını talap etti.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ topraq bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.


XS
SM
MD
LG