Link açıqlığı

Almaniya akimiyetinde Donbassnıñ azat etilmesine qadar Qırım meselesini muzakere etmemege teklif etile


Almaniya akimiyetiniñ Rusiye, Orta Asiya ve «Şarqiy işbirlik» devletleri boyunca vekili olğan Gernot Erler, Donbasstaki davanıñ al etilmesine qadar Qırım meselesiniñ muzakere etilmesine qarşı çıqqan. Bunı avgustnıñ 6-nda Deutsche Welle neşiri haber ete.

Neşirde yazıla ki, Erlerniñ sözlerine köre, Avropada kelişüv bar eken – «başta Ukrainanıñ ğarbiy qısımında davanı siyasiy ceetten al etmek içün toplanmaq kerek», soñ ise, bu «siyasiy ceryannıñ» soñundaki basamaqlarında istilâ astındaki yarımadanıñ meselesine keçmege kerek.

Erlerniñ bu sözleri Serbest demokratik fırqanıñ yolbaşçısı Christian Lindnerge ğıyaben berilgen cevap oldı, keçende o Berlin tarafından Rusiyege nisbeten alınğan yöneliş tüzetilmek kerek olğanını aytqan edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG