Link açıqlığı

İşğal etilgen Qırımnıñ Aqşeyh mahkemesi cuma künü, avgustnıñ 4-de, ukrain faali Vladimir Baluhnıñ ükmüni çıqardı – umumiy rejimli apishanesinjde 3 yıl ve 7 ay yatacaq, 10 biñ ruble miqdarında para cezasını ödeycek.

Bunı oturışta olğan qırımlı Mihail Batrak Qırım.Aqiqatqa haber ete.

Kreml kontrol etken Aqşeyh rayon mahkemesinde avgustnıñ 1-de ukrain faali Vladimir Baluhnıñ davasında taraflarnıñ munaqaşaları olıp keçti. Mahküm mahkemede oña qarşı qabaatlarnıñ siyasiy sebeplerini qayd etti.

Oturış başlağanda prokuror Baluh umumiy rejimli apishanege 5 yıl ve bir ayğa qapatılsın dep istedi.

Vladimir Baluh silâ ve patlav aletleriniñ saqlavında qabaatlana.

FSB Vladimir Baluhnı 2016 senesi dekabrniñ 8-de yaqalağan edi. Onıñ ömür arqadaşı bildirdi ki, Qırımnıñ Aqşeyh rayonında Munus köyünde olarnıñ evlerine FSB kelip, tintüv ötkerdi. Baluhnıñ evi ve anasınıñ evi 4 saat devamında tintilgen edi. FSB hadimleri Vlaidimir Baluhnıñ evinde çardaqta 90 patron ve bir qaç TNT blokları tapılğanını beyan etti.

Kremlge tabi olğan Qırım akimiyeti Vladimir Baluhtan noyabrniñ 29-nda öz evininiñ divarında pekitilgen «Kök yüzü (Nebesnaya sotnâ) Qaramanlarınıñ soqağı, 18-ci ev» yazısını çetke almağa talap etti.

Baluhnıñ imayesi ise tasdiqlay ki, o ukrain tarafdarı olğanı sebebinden – divarındaki yazı ve azbarında Ukraina bayrağı asılğanı içün – basqılarğa oğratıldı.


XS
SM
MD
LG