Link açıqlığı

ABD prezidenti Donald Trump Rusiyege qarşı yañı sanktsiyalarnıñ qabul etilmesine dair qanunnı imzaladı. Bu aqta avgustnıñ 2-nde Beyaz Sarayda beyan etildi.

İyülniñ 27-nde Amerika Birleşken Devletleriniñ Senatı aman-aman bir ağızdan rey berip Rusiyege qarşı yañı sanktsiyalarnıñ qabul etilmesini destekledi. Beyaz Sasray, işbu qanun ile şimdiki prezidentke semereli şekilde tışqı siyasetini alıp barmaq imkânı qaldırılmay, dep şikâyet etken olsa da, qanun çıqarıcılar böyle qarar aldı.

Eki fırqanıñ da temsilcileri sanktsiyalar meselesinde bir fikirge kelgeninden sebep, prezident Donald Trump veto aqqını qullanamadı, çünki vetonı yeñmek içün Kongress azalarınıñ üçte ekisiniñ reyi yeterlidir.

Rusiye ile iş tutqan avropalı şirketlerge de zarar ketire bilecek bu yañı sanktsiyalarğa qarşı Avropa Birliginde itiraz bildirilgen edi.

XS
SM
MD
LG