Link açıqlığı

Qırımda mahkeme avgustnıñ 4-nde ukrain faili Baluhqa qarşı qarar çıqaracaq – advokat


Aqşeyh rayon mahkemesi, nümünelik fotoresim

İşğal etilgen Qırımda ukrain faili Vladimir Baluhnqa qarşı açılğan davanıñ nevbetteki mahkeme toplaşuvı yekünlendi. Bunı failniñ advokatı Olga Dinze Facebookta qırımlı Mihail Batrak tarafından yanınlanğan video muracaatında bildirdi.

Onıñ sözlerine köre, mahkeme qararı avgustnıñ 4-nde beklenile.

Avgustnıñ 1-nde Kremlge tabi olğan Aqşeyh rayon mahkemesinde ukrain faili Vladimir Baluhnıñ davasında taraflarnıñ munaqaşası ötkerildi. Mahkümniñ özü oña qarşı atılğan qabaatlar siyasiy olğanını beyan etti.

Oturışnıñ başında prokuror Baluhnı 5 yılğa ve bir ayğa, umumiy rejimli apishanege oturtıp, azatlıqtan marum etmege talap etti.

Vladimir Baluh silâ ve patlav aletleriniñ saqlavında qabaatlana.

FSB Vladimir Baluhnı 2016 senesi dekabrniñ 8-nde yaqalağan edi. Onıñ ömür arqadaşı bildirdi ki, Qırımnıñ Aqşeyh rayonında Munus köyünde olarnıñ evlerine FSB kelip, tintüv ötkerdi. Baluhnıñ evi ve anasınıñ evi 4 saat devamında tiltilgen edi. FSB hadimleri Vlaidimir Baluhnıñ evinde çardaqta 90 patron ve bir-qaç TNT blokları tapılğanını beyan etti.

Kremlge tabi olğan Qırım akimiyeti Vladimir Baluhtan noyabrniñ 29-nda öz evininiñ divarında pekitilgen «Kök yüzü (Nebesnaya sotnâ) Qaramanlarınıñ soqağı, 18-ci ev» yazısını çetke almağa talap etti.

Baluhnıñ imayesi ise tasdiqlay ki, o ukrain tarafdarı olğanı sebebinden – divarındaki yazı ve azbarında Ukraina bayrağı asılğanı içün – basqılarğa oğratıldı.

XS
SM
MD
LG