Link açıqlığı

Saatnıñ esas haberi

Çubarov Konotop uruşınıñ 360-ncı yıllığını devlet seviyesinde qayd etmege çağırdı


Qırımtatar Milliy Meclis reisi Refat Çubarov Konotop uruşınıñ yübileyini qayd etmek içün teşkiliy komitetniñ peyda olacağını ilân etti.

Avgustnıñ 1-nde «Çernigiv vilâyetiniñ İçnâ rayonında ukrain-qırımtatar dostluğı ve birdemligi Kününiñ ilk qayd etilüvi ve Konotov uruşınıñ 360-ncı yıllığınıñ qayd etüv imkânları» adlı matbuat konferentsiyası devamında Çubarov dedi ki, o bu merasim «er sene qayd etilecek miqyasına qadar inkişaf etecegine» ümüt ete.

«Eki yıldan soñ Konotop uruşınıñ 360-ncı yıllığı olacaq, bu yübileydir. Ümüt etem ki, Ukraina akimiyeti bu yübileyniñ qayd etilüvi içün teşkiliy komitetni teşkil eter. Biz Konotopta dedik ki, bu kibi merasimler sistematik surette teşkiş olunsın dep, yerli akimiyet organlarınen birlikte böyle teşkiliy komitetniñ peyda olmasına teşebbüsçi olacamız», – dedi Çubarov.

Meclis reisiniñ fikirine köre, teşkiliy komitetniñ işi sayesinde tarihiy vaqialar ve uktainlilernen qırımtatarlarnıñ umumiy tarihı ögrenilmek mümkün.

Qırımtatar Milliy Meclis azası Riza Şevkiyev Kyivdeki matbuat konferentsiyası devamında, ukrain-qırımtatar dostluğı ve birdemligi Künleri «qırımtatarlarğa öz vatanını azat etmege yardım etecek ukrain halqı içün mehanizm tesis etecegine» ümüt etkenini bildirdi.

Çernigiv vilâyetiniñ İçnâ rayonında iyülniñ 26-nda ilk kere ukrain-qırımtatar dostluğı ve birdemligi künü qayd etilgen edi. Merasimlerde Qırımtatar Milliy Meclis azaları, akimiyet organlarınıñ vekilleri, qırım cemaatçılığı iştirak etti.

Kupiçpole köyünde ukrain-qırımtatar arbiy qardaşlığı hatırasına abide qoyuldı. O yerde 1659 senesi, Konop uruşında moskvalı istilâcarnı yeñmezden ögüne, getman İvan Vıgovskiy ve Qırım hanı IV Mehmed Geraynıñ orduları körüşken edi.

XS
SM
MD
LG