Qırımtatarlarnıñ yetekçilerinden biri Ahtem Çiygoznıñ davasında mahkeme taqiqatı yekünlendi. Malüm ki o,2014 senesi fevralniñ 26-da Qırım Yuqarı Şurasınıñ binası ögünde Ukraina topraq bütünligine qoltutuv mitinginde iştirak etkeni ve onı teşkil etkeni içün mahküm etilgen.
Taqiqatnıñ yekünlenüvi aqqında bildirip, Çiygoznıñ advokatı Nikolay Polozov Facebookta böyle yazdı: «Munaqaşalar avgustnıñ 7-ne tain etildi, saat 9:30 başlanacaqtır».
Keçende Aqmescitte Kremlniñ nezaretinde çalışqan Qırım Yuqarı mahkemesinde «Çiygoz davasınıñ» 150-nci mahkeme toplaşuvı ötkerildi.
Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ topraq bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.
«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.
