Link açıqlığı

Saatnıñ esas haberi

Aqyarda arbiy tehnika sergisinde kene orduğa çağıruv yapıldı


Qomşu Rusiyeniñ Deñiz arbiy flotınıñ Künü munasebetinen Aqyarnıñ Nahimov meydanında qarada yürgen arbiy tehnikanıñ sergisi keçirildi. Böylece, endi adet olğanı kibi, şeerniñ sakinlerine ve musafirlerine Rus ordusında hızmet etüv teşviq etile.

Mında arbiyler Rusiye ordusınıñ hızmetinde bulunğan BTR, Bastion ve bağqa maşnaları aqqında tarif etti. İstegenler maşna ögünde resimge çıqa bile ya da içine kirmek mümkün.

2016 senesi Rusiye DAF Künü munasebetinen mında endi bu kibi aktsiya keçirilgen edi. Rusiye arbiyleri dirsion areketleri aqqında ve Suriyedeki cenkniñ tecribesi aqqında tarif etken edi.

Rusiyede ve işğal etilgen Qırımda Deñiz arbiy flotınıñ Künü iyül ayınıñ soñki bazar kününde qayd etile. Ukrainada DAF Künü iyülniñ ilk bazar kününde qayd etile.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG