Umumiy esapta rusiyelilerniñ yüzde doqsanı TV haber programmalarını seyir ete, olarnıñ ekseriyeti haberlerni bu telekanallardan ögrene: «Birinci kanal» (72%), «Rusiye-1» (46%) ve «NTV» (40%). Bunı «Levada-tsentr» tarafından ötkerilgen soravnıñ neticeleri tasdiqlay.
«Soravda iştirak etkenlerniñ arasında TV haberlerini eñ az seyir etkenler – yaşları 18 ve 24 arasında olğan gençlerdir, olar arasında dörtte biri TV programmalarını seyir etmey. Moskva sakinlerinde haber menbaalarınıñ sayısı biraz çoqça – olar daa ziyade «Moskva 24», «TVTs», «RBK» ve saire telekanallarnı seyir etmekte», – dep qayd etti isaiyatçılar.
Merkezde qay etile ki, internet qullanuvı haber menbaalarınıñ «itibarına» tesir etmey – internetni qullanğanlar da, qullanmağanlar da aman-aman aynı cevaplar berdi.
