İyülniñ 28-nde, cuma künü, Aqmescit, Keriç, Yalta, Sudaq, Kefe ve Aqyar elektriksiz qalğan. Bunı Qırım.Aqiqatqa yerli sakinler bildire.
Sebepler şimdilik belli degil, «Krımenergo» sitesinde haber berilmegen.
Bundan evel, cuma künü, iyülniñ 28-nde istilâ etilgen Qırımnıñ yedi regionında küçli yel ve yağmur sebebinden bir sıra mesken yerler elektriksiz qalğan. Bu aqta «Krımenergo» şirketiniñ web-sitesinde haber etilgen edi.
Energetiklerniñ bergen malümatına köre, gece ava afatı sebebinden mesken yerlerde qaza yüz bergen yerlerde ışıq söngen. Ayrıca Bağçasaray, Saq, Aqmescit, Aqşeyh, Qurman ve İçki rayonlarınıñ bir sıra mesken yerlerinde ve Yaltanıñ bir qısımndaelektrik ağı bozulğan.
