Rusiyeniñ pensiya sisteması buhran vaziyetine olıp, maaşnıñ arttırılmasını çıdap olamaz. Böyle fikirni RANEPA İçtimaiy talil ve tahmin institutınıñ müdir muavini Yüriy Gorlin Qırım.Aqiqat radiosınıñ efirinde ayttı.
«İqtisadiyat inkişaf etkende eski sistema yahşı çalışqan edi, amma 2012 senesinden soñ añlaşıldı ki, atta orta seviyedeki buhran zaman keçken soñ onı yıqacaqtır. İqtisadiyat kene yükselse, pensiyalar da artacaq. Amma bu şart yerine ketirilmese ve gizliden berilgen aylıqlar ve erte tölenilgen pensiyalar yoq etilmese, şübesiz, maaşlar artmaz – olarnı sadece inflâtsiya sevisinde tutmağa ve indekslemege qıyın olacaq», – dedi mutehassıs.
İqtisatçılar Rusiyede Pensiya Fondınıñ para yetişmemezligi 2017 senesi 220 milliard ruble seviyesinde olacağını tüşüne. Bu yetişmemezlikni eksiltmek içün pensiya yaşını arttırmağa, ya da federal bücetten ayırılğan paralarnıñ kölemini büyükleştirmege teklif etile.
