Link açıqlığı

Kyivniñ merkezinde Saakaşvilliniñ vatandaşlıqtan marum etilmesine qarşı narazılıq bildirile


Mikheil Saakaşvili

Mikheil Saakaşviliniñ ukrain vatandaşlığından marum etilmesine qarşı narazılıq bildirmek içün 400-ge yaqın adam Kyivniñ merkezine çıqtı. Radio Svoboda muhbiriniñ bildirgenine köre, Mustaqillik meydanında (Maydanda) miting sabadan berli devam etmekte.

İştirakçiler iç bir fırqanıñ bayrağını ketirmedi, ancaq ukrain devlet bayraqlarını ellerinde tuta. Faillerniñ sözlerine köre, olar ayrı bir siyasetçini desteklemek içün degil, «akimiyetniñ qanunsız areketlerine» qarşı itiraz bildirmek içün çıqqanlar. Bazı iştirakçilerniñ firine köre, ileride başqa ukrain siyasetçileriniñ de vatandaşlığı lâğu etilmek mümkün.

Mitingte farqlı regionlardan adamlar iştirak etecegi beklenile, iştirakçilerniñ sözlerine köre, bazı adamlar keç qala, çünki haçlı yürüş sebebinden paytahtnıñ merkezinde areket sıñırlanğan.

Gürcistannıñ sabıq prezidenti ve Odesa vilâyetiniñ sabıq yolbaşçısı Saakaşviliniñ vatandaşlığı toqtatılğanı aqqında malümat iyülniñ 26-nda peyda oldı. Bildirilgen sebep – vatandaşlıq arizasını yazğanda Saakaşvili, Gürcistanda oña qarşı cinaiy dava açılğanını bildirmegenidir.

Başta bu malümat resmiy olaraq tasdiqlanmağan edi. Aqşam Devlet migratsiya hızmetiniñ matbuat hızmeti, prezident tarafından vatandaşlıqnıñ toqtatılması aqqında ferman imzalanğanı aqqında beyanat yayınladı, faqat bu ferman Saakaşvilige ait olğanı tam belli degil edi.

Şimdiki vaqıtta ABD-de bulunğda Saakaşvili, iyülniñ 27-ne keçer gecesi, qaçaq olmağa istemegenini ve Ukrainağa qaytmaq içün qanuniy aqqını talap etecegini beyan etti.

Gürcistannıñ sabıq prezidenti Mikheil Saakaşvili 2015 senesiniñ mayıs ayında, Petro Poroşenkonıñ fermanı esasında, ukrain vatandaşlığını qabul etip Odesa vilâyetiniñ devlet memuriyetinde yolbaşçı vazifesine tain etilgen edi.

2016 senesi noyabrniñ 7-nde Mikheil Saakaşvili vazifesinden istifağa ketkenini ilân etti. Öz qararını o regiondaki qabarcılıq seviyesinen ve Ukraina akimiyeti buña destek bergeni sebebinen añlatqan edi.

Noyabrniñ 9-nda Ukraina prezidenti Petro Poroşenko, Nazirler Şurasınen mesletlaşıp, Saakaşviliniñ istifası aqqında ferman imzaladı.

Gürcistanda şimdiki akimet sabıq devlet yolbaşçısı Saakaşvilini bir sıra cinayetlerde qabaatlay, ve ukrain vatandaşlığı berilgeninden soñ onı gürci vatandaşlığından marum etken.

XS
SM
MD
LG