Kyivde Volodımır bayırında Moskva patrikliginiñ Ukrain ortodoks kilsesi Kiev Rusi – Ukrainanıñ vaftiz etilgeniniñ yıllığı munasebetinen haçlı yürüşni başlattı. Onda bir-qaç biñ inançlı ve din adamı iştirak ete.
Kyivniñ merkezinde telükesizlik tedbirleri arttırıldı, tahminen 3,5 biñ uquq qoruyıcı çalışmaqta. Esas merasim ve yürüş ötkerilecek yerlerde metal dedektorleri qurulğan. Bundan ğayrı Ukraina paytahtınıñ merkezinde yol areketi sıñırlanğan.
Kyiv politsiyasınıñ yolbaşçısı Andriy Krişçenko: «Uquq qorçalayıcılar tertipni nezaret ete ve kerek olğanda iştirakçilerniñ eşyalarını teşkere, şahısnı belgilegen vesiqalarnı soray. Cemaat tertibiniñ qaba bozuvları qayd etilmegen», – dep ayttı.
İştirakçiler Kiev-Peçersk lavrasına qadar yürecek.
