Qırımlı advokat Emil Kürbedinov iyülniñ 26-da yol qazasına oğradı. Bunı Kürbedinov Qırım.Aqiqatqa tarif etti.
«Qaza yaptım. Er şey güzel, yaralanğan olmadı. Tesadufen olğan bir qaza», – dep qayd etti Kürbedinov.
Yol qazası işine tesir etmeycegine ümüt etip, «maşinasız qalğanı içün qıyın olacağını» vade ete.
Kürbedinov siyasiy davalarnen oğraşqan qırımlı advokatlardan biridir.
Bundan evel Qırımda yol qazası neticesinde «Qurucılıq ve qurucılıq malzemeleriniñ sanayısında fiyatlarnı belgilegen regional merkezniñ» müdiri Aleksandr Yakubovskiy vefat etti.
Keçken sene Qırımda 2 067 yol qazası qayd etildi, 378 insan elâk oldı, 2 758 kişi yaralanğan edi. Aqyarda 667 yol qazası oldı, 76 insan can berdi ve 841 kişi yaralandı. Çoqusı allarda qaza neticesinde aydavcılar (162 insan) ve piyadeler (159 insan) elâk ola edi. Yol qazasınıñ qurbanı 119 yolcu ve 13 ayaqmaşina qullanıcısı oldı.
