Aqyarda Rusiye Deñiz arbiy flotınıñ Künü munasebetinen gemilerniñ parad safları tizilip başlandı. Bunı iyülniñ 24-nde Rusiye Mudafaa nazirliginiñ matbuat hızmeti bildirdi.
«İlk olaraq öz yerinde (Rusiye – QA) Qara deñiz flotınıñ admiral gemisi, Nahimov oredeninen taqdirlengen «Moskva» raketalı kreyseri lenger taşladı. «Starıy Oskol» büyük dizel deñizastı gemisi, Rusiye FSB sahil qorumasınıñ «Provornıy» sıñır qaravullar gemisi, R-109 raketalı kateri, «Miraj» kiçik raketalı gemisi, «Admiral Grigoroviç» fregatı, «Novoçerkassk» büyük eniş gemisi, Blatiya flotınıñ «Perekop» idmanlar gemisi ve Deñiz arbiy flotınıñ eñ eski qurtarıcı gemisi «Komunna» kün devamında paradnıñ eki safında öz yerlerini alacaqlar», – dep aytıla bildirüvde.
Salı künü Aqyarda Rusiye Deñiz arbiy flotınıñ Kününe bağışlanğan paradnıñ ve muarebe-sport bayramınıñ soñki umumiy repetitsiyası ötkerilecek, iyülniñ 27-nde ise esas repetitsiya keçirilecek, onda 30 arbiy gemi, kater ve temin etüv gemileri iştirak etecek.
Deñiz arbiy flotınıñ Künü Rusiyede iyül ayınıñ soñki bazar kününde qayd etile. Ukrainada DAF Künü iyülniñ ilk bazar kününde qayd etile.
