Rusiye Federatsiyasınıñ Şurası proksi-serverleri ve VPN qullanuvını yasaqlaycaq qanun leyhasını destekledi. İyülniñ 25-nde qabul etilgen vesiqa anonim olaraq telefon mesajlarını da yollamağa yasaqlay.
İyülniñ 21-nde işbu qanun leyhası Rusiye parlamentiniñ aşağı palatası, yani Devlet Duması tarafından desteklengen edi.
Artıq vesiqa Rusiye prezidenti Valadimir Putin tarafından imzalamnası içün oña yollanılacaq.
O da imzalasa, qanun 2018 senesi yanvarniñ 1-nde küç alacaq. O zaman, Vladimir Putin de namzet olaraq iştirak etecegi beklenilgen prezident saylavlarına qadar 3 aydan az vaqıt qalacaqtır.
