Avropa Birliginiñ Tışqı işleri ve telükesizlik siyaseti boyunca Baş temsilcisi Federica Mogherini, memlekette insan aqlarınıñ bozulması muzakerelerge keder ete bilecek naraatlığı olağanına baqmadan, Türkiye – Avropa Birliginiñ azası olmaq içün namzet sayılğanını bildirdi. Bunen beraber Mogherini, Ankara tarafından «salmaqlı adımlar» atılmaq kerek olğanını qayd etti.
Federica Mogherini bunı iyülniñ 25-nde Türkiye Tışqı işler naziri Mevlut Çavuşoğlu ve AB İşlerinden mesül nazir Ömer Çelik ile körüşken soñ beyan etti.
Onıñ sözlerine köre, Türkiye temsilcilerinen Brükselde ötkerilgen muzakereler devamında o uquq ve temel aqlar meselesinde dialog ve işbirlikniñ emiyetini ayrıca köstergen.
Keçken sene iyül ayında devlet yolbaşçısı Recep Tayyip Erdoğannı devirmek maqsadınen muvafaqiyetsiz yapılğan avdarma eyleminden soñ Türkiyede fevqulade vaziyet ilân etilgen. Çoq adam tutılıp apiske alınğan, bu sebepten ğarbiy devletler ve uquq qorçalayıcılar Ankaranı tenqit ete.
