Aqmescitte tasil müessiseleriniñ qurulması içün topraq damartıları yetmey, dep bildirdi iyülniñ 25-de Kreml kontrol etken şeer memuriyetiniñ yolbaşçısı Gennadiy Baharev.
O, bu sebepten yatırım leyhaları içün topraq damartılarınıñ berilmesini vaqtınca toqtatacağını bildirdi.
«Topraqlarnıñ inventarizatsiyası ne olğanını añladıq. Kvadrokopter alıp baqacaqmız. Bundan evel emiyet berilmegen şeyler bar. Yedegimiz bar. Damartısı olğan yatırımcılarnen laf etip, bazı topraqlarnı beraber baqacaqmız, dep tüşünem. Bu birinci yöneliş. Ekincisi – topraq damartılarını taparmız, ve men şimdi yatırım leyhaları içün topraq berilmesini toqtatacam», – dep tekrarlay Baharevniñ laflarını «Krıminform».
Memuriyet yolbaşçısınıñ bildirgenine köre, şeer 20 mektep qurmağa planlaştıra.
Kreml kontrol etken Qırımnıñ tasil, ilim ve gençlik nazirligi bergen malümatına köre, soñki yıl devamında 5 biñ insan, şu cümleden 2 biñ bala, Aqmescitke yaşamağa köçti.
İyülniñ 19-da şeerde qavehane, tükân yerleştirilmesi ve ofis binalarınıñ qurulmasına berilgen topraq damartılarınıñ qullanılması meseleleri baqılğan cemaat diñlevleri olıp keçti.
