Link açıqlığı

Almaniyalı Siemens şirketi rus devlet teşkilâtlarına donatma teslim etüvni toqtattı


Nümünelik fotoresim

Almaniyalı Siemens şirketi Rusiye devletiniñ nezaretinde olğan teşkilâtlarğa donatma teslim etmeycegini ilân etti. Bu iyülniñ 21de derc etilgen şirketniñ beyanatında bildirile.

Böyle qararnıñ sebebi ̶ gaz turbinaları sanktsiyalardan gizlenip Rusiye tarafından işğal etilgen Qırımğa ketirilgeni olğan.

Bundan ğayrı Siemens, Rusiyeli «İnteravtomatika» teşkilâtından çıqqanını ilân etti. Almaniyalı şirket bu teşkilâtnıñ 45,7% isse senetlerine saip çıqa edi. Şirketteki fikirge köre, tamam bu teşkilâtnın yardımınen Siemens turbinaları Rusiyeniñ Krasnodar vilâyetinden Qırımğa ketirilgen edi.

Turbinalar elektrik stantsiyalarında qullanılsın dep qanunsız şekilde Qırımğa ketirilgenleri aqqında 2017 senesi iyül ayınıñ başında malüm oldı. Bundan soñ Siemens şirketi, bu adisenen bağlı olması ihtimallı olğan üç rus şirketine qarşı mahkeme davalarını başlatqan.

Krasnodar vilâyetinde qullanmaq içün, turbinalar işbu almaniyalı şirketniñ ve rusiyeli «Silovıye maşını» teşkilâtınıñ umumiy işhanesinde inşa etilgen edi. Bundan soñ olar «Rosteh» şirketielirnde deñiştirilip Qırımğa teslim etilgen.

Avropa Birliginiñ sanktsiyaları (sıñırlamaları) Rusiye tarafından işğal etilgen Qırımğa er angi donatma ve mahsulatnı teslim etmege yasaqlay.

XS
SM
MD
LG