Link açıqlığı

İyülniñ 18-nde, salı künü, Aqmescitniñ Demiryol rayon mahkemesinde qırımlı jurnalist, Qırım.Aqiqatnıñ müellifi Nikolay Semenanıñ davası esnasında nevbetteki mahkeme toplaşuvı ötkerilecek.

Keçken oturışta imayeciler öz tarafından şaatlarnıñ soraştırılmasını rica etken edi, ayrıca Qırım.Aqiqatnıñ baş muarriri Volodımır Prıtulanıñ sorğusını keçirmege rica etti.

Bunen beraber iyülniñ 7-nde ekspertizanıñ müellifleri şaat olaraq diñlenilgen edi, olar: Qırım ve Aqyarda Rusiyeniñ FSB ideresiniñ hadimi Olga İvanova ve «Trans-inter» tercime bürosınıñ müdiri Vahtang Karamanân.

Dekabrni 7-de taqiqatçı jurnalist Nikolay Semenağa Rusiye Cinaiy kodeksiniñ 280.1 maddesiniñ 2-nci qısmındaki «Rusiye Federatsiyasınıñ topraq bütünligini bozacaq areketlerge açıq çağıruv yapması» ile qabaatlanğanını aydınlattı. Taqiqatçı tizgen cinaiy iş 6 cılttan ibaret.

FSB sorğusında Nikolay Semena yazğan işlerinde «fikirini bildirme» aqqını qullandı, dep bildirile.

Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağıra.

XS
SM
MD
LG