Link açıqlığı

Qırım sakinlerine yaqın künleri devamında küçlü yel esecegi aqqında beyan etildi


İyülniñ 17-si aqşam başlap iyülniñ 19-na qadar Qırımda şimaliy-şarqiy taraftan saniyede 17-22 metr suratınen küçlü yel esecegi beklenile. Bunı Qırımdaki Rusiye FVN idaresiniñ matbuat hızmeti haber ete.

Müessisede qayd ettiler ki, küçlü yel vaqıtında «evlerniñ penceleri qapatılmaq, pekitilmegen şeyler balkonlardan alınılmaq; soqaqlarda reklama panolarından, levhalardan, yol işaretlerinden, elektrik ağlarından uzaqça turıp, balaban tereklernin yanlarına barmamağa, maşnalarnı qaldırmamağa» kerekli olğanı aytıla.

İyülniñ 17-nde Keriç parom keçitiniñ matbuat hızmeti, küçlü yel sebebinden paromlarnıñ işi toqtamaq mümkün olğanı, beklev vaqıtı sozulmaq mümkün olğanı aqqında haber etken edi.

XS
SM
MD
LG