İyülniñ 17-nde saba Aqyarda, yollar maşnalarnen tolu olğan vaqıtta, yol qazası sebebinden Streletskiy körfezi ve Lötçikov mikrorayonı arasında kilometrge uzanğan tıqanıqlıq peyda oldı. Bunı Qırım.Aqiqat muhbiri haber ete.
Yol qazası saat 08:15 yoldaki «Studençeskiy gorodok» ve «Stepanân» turaqları arasında yüz berdi.
Ögdeki qısımı ve camı qırıq kümüş-kök renkli çetel maşnası yolnı qapatıp turğan, qaza yerine kelgen politsiya hadimleri ise yolnıñ tar qısımında areketni tertipley edi.
Trolleybus tıqanıqlıqnı yarım saat devamında keçmek mecbur edi.
