Link açıqlığı

Ukraina baş naziri Volodımır Groysman beyan etti ki, Ukrainada nevbetteki prezident saylavları ötkerilecekte o öz namzetini teklif etmege niyetli degil.

«Men akimiyetniñ icraiy dalında öz semereligimi iss etem, bu sebepten böyle bir niyetlerim yoq», – dedi Groysman, onıñ prezident maqamına namzet olmaq niyetleri aqqında sual «112 Ukraina» telekanalınıñ efirinde soralğanda.

Em de Groysman dedi ki, o özüni Ukraina prezidenti vazifesinde körmey.

Volodımır Groysman, bir vaqıtları Vinnitsa şeer yolbaşçısı olıp, 2014 senesi fevral-noyabr aylarınıñ akimiyetinde baş nazir muavini, Ukraina Regional inkişaf, qurucılıq ve mesken-kommunal hocalıq naziri olğan edi, 2016 senesi aprel ayına qadar Ukraina Yuqarı Radasınıñ yolbaşçısı olğan edi. Ukraina baş naziri Arseniy Yatsenükniñ istifasından soñra, Groysman Ukraina akimiyetiniñ reberligine keçti.

XS
SM
MD
LG