Link açıqlığı

Aqmescitte 6 biñden ziyade maşna ceza turağına alındı – memuriyet


Aqmecsitte evakuator maşnaları çalışıp başlağanından berli 6 biñden ziyade avtomobil ceza turaqlarına alınğan. Bunı «RİA Novosti Krım» agentligine Kremlge tabi olğan Aqmescit memuriyetiniñ naqliyat ve rabıta bölüginiñ müdiri Anastasiya Lavrinova haber etti.

«2016 senesi dekabr ayında tartıcı maşlarnıñ işi başlatışğan edi. Bügünge qadar 6035 avtomobil ceza turağıma alındı. Evakuatorlarnıñ iş tertibi doğrudan-doğru Yol areketi Devlet inspektsiyasınen bağlı. Tartıcı evakuator özünden özü kelip, maşnanı alıp ketip olamay», – dedi Lavrinova.

Bundan evel, Aqmescitniñ kirişlerinde parkovkalar qurulacağı aqqında beyanat etilgen edi.

Aqmescitte 2016 senesi dekabrniñ 22-nde qanunsız şekilde yol çetinde qoyulğan naqliyatnıñ mecburen tartıp alınılması içün mahsus hızmet çalışıp başlağan edi.

XS
SM
MD
LG