Link açıqlığı

Qırımtatarlarnıñ yetekçilerinden biri İlmi Umerov iyünniñ 14-nde rejissör Oleg Sentsovnıñ anası Lüdmilanı ziyaret etti. Qırım.Aqiqatqa bergen izaatında Umerov dedi ki, qadın öz oğlunen körüşecegine ümüt ete, ve aynı zamanda onı körüp olamacağından qorqa eken.

«Bügün saba onnen telefonlaşıp kendisini ziyaret ettik. Onda çoq oturmadıq, 20-30 daqqa. Oña aferin demeli. Ebet, oğlu içün qasevetlene. Onı artıq körüp olamaz, dep qorqa. Onı iç olmadı bir kere ziyaret ettimi, dep sorağanda, Oleg Rostovdan başqa apishanege avuşturılğan soñ onı bir kere de ziyaret etmegenini ayttı, çünki yol masrafları pek paalığa çıqa», – dedi Umerov Qırım.Aqiqatqa bergen izaatında.

Qırımatarlarnıñ temsilcisi dedi ki, o uquq qorçalayıcı Aleksandr Podrabineknen birlikte vade etkenler, Lüdmila Olegnen qonuşsa, o da apishane memuriyetinen añlaşıp olsa, olar anasını «arzu etkeni kibi oğlunen körüştürmege» yardımcı olurlar.

İyülniñ 13-nde Oleg Sentsov 41 yaşını toldırdı, o endi dörtünci doğğan kününi apishanede qarşılağan oldı. Kyivde ve bütün Ukrainada onıñ doğğan künü munasebetinen destek aktsiyaları keçirildi.

Oleg Sentsov ile Aleksandr Kolçenko 2014 senesi mayıs ayında Qırımda Rusiye mahsus hızmetleri tarafından tutılğan ediler.2015 senesi avgust 25 künü Rusiyeniñ Şimaliy-Kavkaz okrug arbiy mahkemesi, Aqmescitli ukrain rejissörı Oleg Sentsovnı, terrorizmde qabaatlap, 20 yılğa sert rejim apishanesinde azatlıqtan marum etilecegi aqqında qarar alğan edi. Rusiye taqiqatçıları Qırım faali Aleksandr Kolçenkonı Sentsovnıñ qabaat ortağı olaraq tanıp, onı 10 yılğa qadar apishanege aldılar. Ekisi de öz qabaatını red ete.

«Memorial» uquq qorçalayıcı teşkilâtı Sentsov ve Kolçenkonı siyasiy mabuslar cedveline kirsetti.

XS
SM
MD
LG