Cemaat erbabı, «Euromaidan-Qırım» areketiniñ koordinatorı Sergiy Mokrenük Ukrainanıñ vaqıtnca işğal etilgen topraqları ve mecburen köçkenkerniñ sualleri boyunca Nazirligi tarafından ilân etilgen yarışğa ğalip olıp, nazirlikte Qırım Muhtar Cumhuriyeti ve Aqyar şeeriniñ sualleri boyunca idare yolbaşçısı vazifesini qazandı. Yarış neticeleri iyülniñ 13-nde nazirlikniñ sitesinde derc etilgen.
«Nazirlikniñ işini evel tenqit ete edim. Nasıl olsa da, tenqit etecek olsañ, özüñ de bir şeyler yapmaq kereksiñ. Men bu vazifede kerçekten çalışıp, Qırım meselesinde yapqanım cemaa faaliyetine devlet hızmetini de qoşmağa isteyim. Öz işimi aqıllıca teşkil etip olacağımda eminim», – dedi Sergiy Mokrenük Qırım.Aqiqatqa bergen izaatında.
2016 senesi aprelniñ 20-nde Ukraina Naşirler Şurasınıñ toplaşuvında Ukrainanıñ vaqıtnca işğal etilgen topraqları ve mecburen köçkenkerniñ sualleri boyunca Nazirligi tesis etilecegine dair qarar qabul etilgen edi. Müessiseniñ yolbaşçısı Vadim Çernış oldı, bundan evel o Donbassnıñ ğayrıdan tiklev sualleri boyunca Devlet Agentliginiñ reberi edi.
