Link açıqlığı

Saatnıñ esas haberi

Poroşenko: Ukrainada bu sene yollarnıñ qurulmasına 16 milliard grivna ayırılacaq


Bu sene Ukrainada yollarnıñ qurulmasına 16 milliard grivnadan ziyade para ayırılacaq. Bunı iyülniñ 13-nde Ukraina prezidenti Petro Poroşenko beyan etti.

«Eminmiz ki, bu sene Ukrainada yollarnıñ qurulmasına 16 milliard grivnadan çoq sermiya ayırılıp, evel yapılmağan yerlerge berilecek. İnsanlar duysın ki, biz mudafaa ve telükesizlik saasına daa çoq para masraf etmege mecbur olsaq ta, bu işlerge de küçümiz bar», – dedi Poroşenko çarşenbe künü Sumı şeerinde.

Ukraina prezidentiniñ sözlerine köre, evelki yıllarda gümrük sermiyalarınıñ artqaçı ancaq bazı vilâyetlerde yollarnıñ quruculığına ayırılğan olsa, 2017 senesi alınğan qarar ile böyle tecribe bütün Ukrainada amelge keçecektir.

«Ümüt etem ki, yarın, bücetke deñişmeler qabul etilip, yatırım imkânlarını keñişletilir, tecribe arttırılır... qabarcılıqqa qarşı küreş neticesinde gümrükten kelgen sermiyalarnıñ artqaçı ukrain yollarınıñ qurulmasına sarf etilecek», – dedi Poroşenko.

Bundan evel Ukraina baş naziri Volodımır Groysman, ukrain yollarınıñ 95% bozulğanı ve tamir etilmek kerek olğanını aytqan edi.

XS
SM
MD
LG