Link açıqlığı

Kyivde Ukraina-AB sammiti açıla


İyülniñ 12-de Kyivde Ukraina — Avropa Birligi 19-ıncı sammiti açıla. Eki künlik tedbir AB liderleriniñ Ukraina prezidenti Petro Poroşenko ile aqşam yemeginden başlaycaq. Avropa Birligi eyyetiniñ erkânında – AB Şurasınıñ prezidenti Donald Tusk, Avropa komissiyasınıñ prezidenti Jean-Claude Juncker, AB umumiy tışqı siyaset ve havfsızlıq siyaseti meseleleri yuqarı vekili Federika Mogerini ve digerleri.

İyülniñ 13-de saat 11:00-da sammitniñ umumiy toplaşuvı başlaycaq. Sammit Ukrainanıñ Avropa Birligi ile assotsiatsiya añlaşmasınıñ tamamen tasdıqlaycaqtır. O, sentâbrniñ 1-den başlap işke tüşürile bile.

Böyle bir qarar iyülniñ 11-de, sammit arfesinde, İqtisadiyat ve maliye meseleleri şurası çerçivesinde qabul etilgen edi.

Ukraina prezidenti Petro Poroşenko Kyivdeki Ukraina-AB sammitinde Ukraina ve Avropa Birligi arasında ortaqlıqnıñ yañı basamağına keçüv aqqında söz yürsetilecegini bildire.

2016 senesi Felemenkte keçirilgen tevsiye referendumı iştirakçileriniñ çoqusı (referendumda saylayıcılarnıñ yalıñız 32%-ı iştirak etken edi) Ukraina ile añlaşmağa qarşı çıqqan edi.

Bu sene Felemenk parlamenti Ukraina ve AB assotsiatsiya añlaşmasınıñ tasdıqlanmasına tekrar qoltuttı.

XS
SM
MD
LG