2014 senesi oktâbrniñ 1-den başlap Ukraina ükümeti «Memleket içinde köçip kelgen insanlarğa er ay kira ve mesken-kommunal hızmetler masraflarınıñ qarşılanması içün yardım kösterme aqqında» 505 nomeralı qararnı qabul etti, 2017 senesi iyün ayınıñ soñunda maddiy yardım miqdarı 8 mlrd 290 mln 971 biñ 900 grivna teşkil etti. Bunı Ukraina içtimaiy siyaset nazirligi Qırım.Aqiqatqa bildirdi.
«Yardım arizaları berilgenine köre vilâyet devlet memuriyetleriniñ ealini içtimaiy qoruv meseleleri bölükleri yüz fayız maliye etildi. 2014 senesi – 358 mln 365 biñ grivna, 2015 senesi – 3 mlrd 318 mln 724 biñ, 2016 senesi – 3 mlrd 164 mln 199 biñ, 2017 senesi iyün ayı – 1 mlrd 449 mln 682 biñ grivna», – dep qayd etti Ukraina içtimaiy siyaset nazirliginiñ fevqulâde vaziyetler neticesinde zarar körgenlerni içtimaiy qoruvnı teşkil etüv bölügi.
Rusiyeniñ Qırım işğali neticesinde bir çoq insan esas Ukrainağa köçmege başladı. 2017 senesi mart ayına qadar Ukrainada Donbasstan köçip kelgen 1 mln 623 biñ 726 kişi ya da 1 mln 308 biñ 16 qoranta qayd etildi, Qırım Muhtar Cumhuriyeti ve Aqyardan ise 22 biñ 853 biñ insan köçti.
