Link açıqlığı

Saatnıñ esas haberi

SBU: Qırımnıñ memuriy sıñırı yanında «coyulğan» Rus sıñırcıları apiske alındı


Herson vilâyetinde Qırımnıñ memuriy sıñırı yanında tutılğan Rus sıñırcılarına qarşı Ukraianıñ territorial bütünligine qast etüv iddiası bildirildi. Bunı Ukraina Telükesizlik Hızmetiniñ (SBU) matbuat hızmeti iyülniñ 11-nde haber etti.

«Ukrainağa zarar ketirip Rusiye Federatsiyasınıñ menfaatında vazifelerini eda etken Rus sıñırcılarına, Herson vilâyetinde SBU idaresiniñ taqiqatçıları tarafından, Ukraina Cinaiy Kodeksiniñ 110 mad. 2 qısımı (Ukrainanıñ topraq bütünligine qas etüv) ile közge alınğan cinayet iddiası bildirildi», – dep haber etile.

Müessisede qayd eteler ki, Herson vilâyetinde iyünniñ 30-nda eki Rus vatandaşı tutılğan edi.

Salı künü Herson vilâyetiniñ Apellâtsion mahkemesi olarnı apiste tutmaq qararını aldı. Müessisede, taqiqat işleri devam etecegi bildirildi.

Herson vilâyetiniñ Kalançak rayon mahkemesi iyünniñ 30-nda Rusiye Federal Telükesizlik Hızmetiniñ (FSB) eki sıñırcısını 15 künge apiske aldı. Olar Hersonda iyünniñ 30-na keçer gecesi «vaqıtınca işğal etilgen topraqlardan kiriş tertibini bozğanları» sebebinden (Ukraina Memuriy qanun bozuvlar Kodeksiniñ 204.2 maddesi esasında) tutlğan ediler. Mahkeme olarğa 320 grivna köleminde para cezalarını tainledi.

İyünniñ 30-da, Ukraina Devlet sıñır hızmetiniñ reisi Viktor Nazarenko iyünniñ 30-na keçer gecesi Herson vilâyetinde Rusiye Federal havfsızlıq hızmeti sıñır bölüginiñ eki hadimi yaqalanğanını bildirdi.

Devlet sıñır hızmeti, Rusiye Federal havfsızlıq hızmeti sıñır bölüginiñ hadimleri muracaat yollap, yaqalanğan eki Rusiye askeri aqqında malümat bermege rica ete, dep bildirdi.

XS
SM
MD
LG