Link açıqlığı

Qırımtatar asıllı ukrain yırcısı, «Eurovision-2016» yarışınıñ ğalibi Jamala işğal etilgen Qırımda ve Ukrainanıñ nezaretinden çıqarılğan Donbassnıñ qısımında mektep bitirgen talebelerni ukrain aliy oquv yurtlarına kirmege çağırdı.

Böyle etip sanatçı, İşğal etilgen topraqlarnıñ sualleri boyunca Ukrain nazirliginiñ ve Ukraina Tasil nazirliginiñ informatsion leyhasına qoşuldı.

Ukrainanıñ kontrolünden çıqarılğan topraqlarda yaşağan mektep mezunlarına hitap etken yırcınıñ video-muracaatı iyülniñ 11-nde internette yayınlandı.

Yırcı: «Ürmetli Donbasslı ve Qırımlı mezunlar! Sizler Ukrainada doğğan ediñiz. Şimdi ögüñizde pek mesüliyetli andir, öz kelecegiñizni belgileysiñiz. Qarar almaq er kesge qıyındır, bilhassa, işğal etilgen topraqlarda yaşamağa mecbur olğanlarğa. Siziñ Ukrainada tasil almaq imkânıñız bak ki, o bütün dünyağa açıq. Siz istegeniñizni seçiñiz! Arzu etiñiz, areket yapıñız ve öz özüñizni yeñiñiz!» – dep, mektep mezunlarına muracaat etti.

İyünniñ 19-da, Ukrainada «Qırım – Ukraina» tasil merkezleri çalışıp başladı. Olar Qırım abituriyentlerine 12 ukrain aliy oquv yurtuna tışqı mustaqil imtianlarnı bermeyip kirmege imkân bere. Merkezler sentâbrniñ 30-na qadar çalışacaq.

Kiriş kampaniyası aqqında daa tafsilâtlı malümat Qırım.Aqiqatnıñ mahsus maqalesenide tapılmaq mümkün.

XS
SM
MD
LG