Rusiyeniñ arbiy mesleatçısı Nikolay Afanasov Suriyeniñ Hama vilâyetinde minaatıcılar darbesi neticesinde telef oldı.
Bunı iyülniñ 11-nde, Rusiye Mudafaa nazirligine atıf etip, «İnterfax» haber etti.
Rusiye arbiy bölügi tarafından berilgen resmiy malümatqa köre, Suriyede 2015 senesi sentâbr ayında başlatılğan arbiy ameliyatnıñ başlatılmasından berli anda 30-dan ziyade rus askeri elâk olğan.
Reuters agentliginiñ malümatına köre, resmiy raqamlar eñ azından dört qat eksik kösterilgen. Rusiye Mudafaa nazirligi bunı red ete.
