Link açıqlığı

Saatnıñ esas haberi

İsitüv sistemasınıñ tamir işleri sebebinden Aqmescitniñ merkezi eki ayğa qapatılacaq – yerli akimiyet


Aqmescitniñ merkeziy soqaqlarından bir-qaçı, isitüv sistemasınıñ tamir etilmesi sebebinden, sentâbrniñ 30-na qadar qapatılacaq. Bu aqta şeerniñ Rus memuriyeti öz web-sitesinde haber ete.

«İyül 20 – avgust 20 künleri arasında Jelâbov ve Jukovskiy soqaqları arasında Karl Markssoqağınıñ bir qısımı qapatılacaq. Aynı vaqıtta iyülniñ 30-ndan başlap avgustnıñ 30-na qadar Tolstoy ve Jelâbov soqaqlarında maşnalar içün yol qapalı olacaq. Ve işlerniñ yekünlenmesine qadar, avgust 30 – sentâbr 30 künleri arasında Galereya aralığından Tolstoy soqağına qadar yol areketi sıñırlanacaq», – degen Rusiye Yol areket inspektsiyasınıñ Aqmescitteki bölük yolbaşçısınıñ vazifesini eda etken Pavel Pavlükovnıñ sözlerini şeer akimiyetiniñ matbuat hızmeti derc etti.

Öz nevbetinde Aqmescit memuriyetiniñ yolbaşçısı Gennadiy Baharev, muşavere devamında, böyle tedbir mecburiy olğanını beyan etken, ve«şeer sakinleriniñ yaşayış seviyesini arttırmaq içün» kerekli olğanını aytqan.

XS
SM
MD
LG