Link açıqlığı

Saatnıñ esas haberi

Qurucı taraf Keriç köpiriniñ qısımında töşelgen asfalt aqqında esabat berdi


Keriç köpürinde asfaltnıñ töşelmesi
Keriç köpürinde asfaltnıñ töşelmesi

Keriç köpüri qurucılığında asfaltnıñ aşağı qatı töşeliğ başlandı. «Qırım köpüri» matbuat merkezi haber etkeni kibi, asfaltnıñ üstteki qatı köpürniñ yolu bütünley azır olğan soñ töşelecek.

Qurucı şirketiniñ bergen malümatına köre, Tuzla adasında tahminen 200 metrlik mesafede işler yapılğan.

«Yapqanımız bütün azırlıq işleri, alfatl-beton töşlmesi ve yapılğan işniñ keyfiyetiniñ ciddiy nezareti – bütün bular Qırım köpürinde yüksek keyfiyetli asfaltnıñ olmasını teminleycek», – dep tarif etti Rosavtodornıñ «Taman» FKU yollar idaresiniñ baş muendisi Yüriy Safarov.

Keriç boğazında köpür qurucılığı aqqında Rusiye prezidenti Vladimir Putin Qırım işğalinden soñ birden ilân etti. Köpürni 2018 senesine qadar qurmağa, 2019 senesi yazda ise çalıştırmağa vade ettiler.

İyül başında «Krımskiy most» haber merkezi Keriç boğazındaki Rusiyeden Qırımğa köpür qurucılığınıñ fiyatı 227,92 mlrd ruble teşkil etkenini bildirgen edi.

Bundan evel Rusiye ükümeti Keriç boğazındaki köpürniñ demir yol qısmınıñ vaqtınca açılmasını bir yılğa qaldırdı – 2018 senesi dekabr ayından 2019 senesi dekabr ayına.

Ukraina tarafı 2014 senesi Qırım işğalinden soñ Rusiye ile köpür qurucılığı añlaşmasından ayırıldı.

XS
SM
MD
LG