Link açıqlığı

İstanbulda Erdoğannıñ siyasetine qarşı narazılıq yürüşi yekünlendi


Kemal Kılıçdaroğlu yürüş vaqtında, 2017 senesi iyülniñ 9-ı

İstanbulda yüzlernen insan iyülniñ 9-da Türkiye prezidenti Recep Tayyip Erdoğannıñ siyasetinden memnün olmağanını köstermek içün 450 kilometrni teşkil etken narazılıq yürüşini yekünledi.

İnsanlar iyünniñ 15-de Türkiyeniñ paytahtı Ankarada başlağan Adalet yürüşine qoşulğan ediler.

Olar keçken sene Erdoğanğa qarşı devlet avdarması teşebbüsinden soñ başlağan işten boşatılma ve apis cezalarına qarşı çıqtılar.

Prezident Erdoğan yürüş iştirakçilerini terrorizmge qoltutuvda qabaatladı. O, yürüşni teşkil etken Cumhuriyet halq partisi siyasiy muhalifet sıñırlarını keçip, «memleketke qarşı terrorizm çıqarğan terrorist teşkilâtlar ve quvetlernen beraber areket etti», dep bildirdi.

Miting dört yıl evelsi Gezi Parkındaki narazılıqlardan soñ prezident Erdoğanğan qarşı eñ büyük narazılıq olğandır.

XS
SM
MD
LG