Link açıqlığı

Saatnıñ esas haberi

Qırımda «fevral 26 davasınıñ» mahkemesini iyülniñ 11-ne avuştırdılar


Kreml kontrol etken Qırımnıñ Merkeziy rayon mahkemesiniñ «fevral 26 davası» boyunca iyülniñ 7-ne belgilengen oturışını iyülniñ 11-ne avuştırdılar. Bu qarar advokatlar bağçasaraylı «Hizb ut-Tahrir davasınıñ» mahkeme oturışında iştirak etkeninden qabul etildi. Bunı Radio Svoboda mühbiri Anton Naumlük Qırım.Aqiqatqa bildirdi.

«Fevral 26 davasınıñ» mabüslerinden biri Ali Asanov iyülniñ 7-de doğğan kününi qayd ete.

Ali Asanov, 2017 senesi iyülniñ 7-si
Ali Asanov, 2017 senesi iyülniñ 7-si

Rusiye Qırımnı işğal etken soñ yarımadada 2014 senesi fevralniñ 26-da Ukraina topraq bütünligine qoltutuv mitinginde iştirak etkenlerni mahkeme etmege başladılar. Olarğa qarşı o vaqıt Qırımnıñ şimdiki yolbaşçısı Sergey Aksenovnıñ reberiyeti altında «Rus birligi» çıqqan edi.

Mahkeme «fevral 26 davasını» ekige ayırğan edi: Qırımtatar Milliy Meclisiniñ reis muavini Ahtem Çiygozniñ davası olaraq ve ayrıca davanıñ eki iştitakçisi olğan Ali Asanov ve Mustafa Degermenci davası şeklinde.

XS
SM
MD
LG