Link açıqlığı

Saatnıñ esas haberi

Çubarov: Rusiye Qırımda yüz biñlernen öz vatandaşlarını yerleştire


Qırımnı işğal etip, Rusiye öz tarafından yarımdağa yüz biñlernen vatandaşlarını ketirip yerleştire. Bunı Qırımtatar Milliy Meclis reisi Refat Çubarov jurnalistlerge iyülniñ 4-nde bildirdi.

Onıñ sözlerine köre, Qırımğa köçip kelgen rusiyelilerniñ sayısı 200-250 biñ insannı teşkil ete.

«Rusiye şimdi, bile-bile, Qırımı zıddiyetler yumağına çevire. Qaytarmaq mecbur olğacanını bilip, añlap, duyıp, o bunı mümkün olğanı qadar zorlaştıra. Ve böyle usullardan biri de – ealini deñiştirmek», – degen Çubarovnıñ sözlerini UNİAN derc ete.

Meclis reisi qayd etti ki, Rusiye «qorqutuv, basqı ve ayırım vastalarınen işğalni qabul etmegenlerni Qırımdan sıqıp çıqarmağa tırışa». «Bu – qırımtatarları, etnik ukrainler. Yani arbiy gemi olaraq bellenilgen Qırım yarımadasında vefasız qalğan adamlar», – dep añlattı o.

Rusiye, Qırımnı işğal etken soñ, yarımadada FSB hadimleri içün çoq qatlı evler, arbiy bölükler qurıp başladı. Böyle işler yarımadanıñ er tarafında alıp barıla.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG