Link açıqlığı

Aqmescitni boranlı yağmur bastı


Aqmescitte iyülniñ 4-nde küçü sağanaq ve boranlı yağmur yağdı, dep haber ete Qırım.Aqiqat muhbiri.

Yerli sakinler içtimaiy ağlarda salı künü yüz bergen ava afatınıñ foto ve video resimlerini paylaşa.

Tahmin etigenine köre, yarımadada bütün kün devamında ava şaraitleri müşkül olacağı beklenile: sağanaq, boran, burçaq yağuvı ve saniyede 25 metr suratınen küçlü yel esmesi mümkün.

Qurtarıcılar fevqulâde vaziyetlerniñ yüz bermesinden saqına. Alçaq qalğan yerlerni suv basmaq mümkün, yağmur suvını alğan sistemalar bozula bile, tamir işleri mürekepleşecektir, bağ ve elektrik ağları üzülmek mümkün, kommunal hızmetleriniñ işleri bozula bile, zayıf binalar ve reklama yapıları yıqılmaq mümkün.

XS
SM
MD
LG