Link açıqlığı

Qırımnıñ Seyitler rayonında 150 litr süt yoq etildi


İşğal etilgen Qırımnıñ Seyitler rayonında, köy hocalıq ayvanlarınıñ, malzeme ve ayvancılıq mahsulatınıñ qanunsız alınılmasını toqtatmaq içün yapılğan eki reyd neticesinde 150 litr süt yoq etildi. Bunı iyülniñ 4-nde Kremlniñ nezaretindeki Devlet baytarlıq komitetiniñ matbuat hızmeti haber etti.

«Neticede (reydlerden soñ – QA) 150 litr süt yoq etilmek içün alınıldı ve Rusiye Memuriy qanun bozuvlar Kodeksiniñ 10.8 mad.1-ci qısımı ve 10.8 mad. 2-ci qısımı boyunca eki memuriy protokol tizildi», – dep bildirile.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG