NATO Parlament Assambleyasınıñ (PA) reisi Paolo Alli, Rusiye ğarbiy cemiyetni Qırım istilâsınen ve Donbasstaki arbiy areketlerinen sınağanını tüşüne. Bunı o Kyivde iyünniñ 3-nde brifing devamında beyan etti, dep haber ete UNİAN.
«Rusiye Qırımnıñ qanusız islâsınen ve Donbassta öz közlerimnen körgenim arbiy areketlerinen ğarbiy cemiyetni sınamağa ve deñemege devam ete», – dedi Alli.
Onıñ sözlerine köre, NATO PA-sı ukrain yaramadasınıñ işğalini takbih etemge ve Ukrainanıñ topraq bütünligini ve toqunulmazlığını qorumağa devam etmege niyetli.
NATO temsilcisi dedi ki, soñki zamanları Assambleyada «Avropa-Atlantik integratsiyası yolunda Ukraina büyük irişmeler qazanğanı» qayd etile.
Bundan evel Ukraina Yuqarı Rada reisi Andriy Parubiy, Rusiye, Qırımnı işğal etip, bütün Qara deñiz havzasını telüke bölgesine çevirgenini ve bütün düñyanıñ havfsızlığına telükeli olğanını ayttı.
İyülniñ 3-5 künlerinde Kyivde Rose-Roth teşşebüsi çerçivesinde NATO Parlament Assambleyasınıñ 95-ci Seminarı ötkerile. Bu sene seminar oturışlarından biri Ukrainada ve Qara deñiz regionında telükesizlik ve istiqrar mevzusına bağışlanılacaq.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
